O Real Club de Tenis Coruña organiza do 9 ao 15 de setembro o I Torneo Social Xuvenil BritishSchool no que poderán participar todos os xogadores/as do RCTC en posesión da licenza federativa. A proba contará coas categorías benxamín, alevín, infantil, cadete e “junior” e cada xogador poderá inscribirse como máximo en dúas. O prezo…
Gran resultado de Nicolás Bellas no Campionato MAPFRE de Tenis Cadete 2024 que se celebrou do 17 ao 23 de xuño no Club Deportivo Saladar de Cadeira, en Valencia. O xogador do RCTC, que actualmente se adestra na academia de Rafa Nadal, alcanzou as semifinais na modalidade individual, conseguindo así un fito no tenis galego…
Durante as vacacións de Semana Santa, a Escola de Tenis organizou dúas saídas para que os nosos alumnos puidesen pór a proba o seu nivel tenístico nunha contorna competitiva de ámbito nacional. Os torneos elixidos nesta ocasión foron o Warriors Tour Alicante e Marca Junior Cup Valencia, dous circuitos de gran prestixio nos que se…
Do 1 ao 24 de marzo celebrouse en Lugo a segunda proba do circuito Galicia Head Tour que, nesta ocasión, albergou tamén os campionatos galegos alevín e cadete 2024. As probas disputáronse en sede compartida, no Club de Tenis As Termas e o Centro Deportivo D10, e conseguiron reunir a preto de 400 participantes de…
A RFET chegou a un acordo co Mutua Madrid Open mediante o cal todos os federados poderanse beneficiar dos seguintes descontos na venda de entradas comprendidas entre o luns 22 de abril e o venres 3 de maio: Para poder beneficiarse deste desconto, ao momento da compra haberá que utilizar o seguinte código: RFET2024
O tenista Jose Basanta, integrante do equipo absoluto do RCTC, proclamouse esta semana campión da Universidade deMadrid. Basanta, que actualmente cursa 5º curso da dobre licenciatura en Dereito e ADE na Universidade Autónoma de Madrid, alzouse co título despois de derrotar na final a Javier Sánchez Pradillo 7-5/6-4. Desde o Club queremos felicitar a Jose…
“O deporte ten o poder de transformar o mundo. Ten o poder de inspirar, de unir á xente como poucas outras cousas” (Nelson Mandela). Grazas a todos por ser parte desta gran familia. ¡Bo nadal e próspero ano novo!
O RCTC recibiu o pasado sábado, 9 de decembro, o premio especial ao Mellor Club do 2022-23 durante a XXXIII Festa do Tenis Galego. O evento, organizado pola Federación Galega de Tenis, celebrouse nun coñecido restaurante de Santa Cruz de Arrabaldo, Ourense. Este galardón é un recoñecemento aos méritos deportivos obtidos durante a tempada 2022-23,…
Debido á alta demanda de utilización das pistas de tenis e, en especial, as de terra batida, a partir do próximo luns 11 de decembro entrarán en vigor varios cambios na normativa de reserva das mesmas. Esta actualización ten como obxectivo racionalizar o seu uso e maximizar o número de socios que poidan gozar das instalacións…
Os días 25, 26, 29 e 30 de novembro e 1, 2 e 3 de decembro celebrarase nas instalacións do noso Club o Máster Galego Absoluto e o Máster do Circuíto Galicia Head Tour 2023 que organiza a Federación Galega de Tenis. No Master Absoluto participan os 16 xogadores e xogadoras con mellor ranking galego,…
Xogador-Sparring
Jesús é exalumno da escola e o noso capitán do equipo absoluto (no que tamén xoga) que o ano pasado subiu a segunda división nacional.
Colabora nos adestramentos dos grupos de tecnificación e competición.
Adestrador e preparador físico
Miguel traballa como monitor na escola base e apoia os adestramentos físicos para as etapas de tecnificación e competición.
Traballou na Academia Equelite de Carlos Ferrero e o seu obxectivo é poder colaborar con xogadores de competición e alto rendemento. Está a apoiar o seu irmán Rafa a dar os seus primeiros pasos no circuíto profesional.
Adestrador
Carlos compatibiliza a súa profesión como arquitecto coa súa faceta de adestrador na nosa escola. O apelido Domínguez é sinónimo de deporte e, en particular, de tenis en Pontevedra, coa súa curmá Lourdes como máxima referencia do tenis profesional en Galicia.
Como adestrador Carlos destaca pola súa meticulosidade e a súa atención ao detalle. Imparte clases nas etapas de tecnificación, competición e adultos.
Cordinador de base
Jaime é adestrador nacional e ten máis de 20 anos de experiencia profesional ligada ao tenis e á docencia.
Incorpórase ao club na tempada 22-23 para facerse cargo das etapas de iniciación e desenvolvemento e adultos dentro da escola basee.
Director de escola base
Licenciado en Filosofía, Carlos “Chas” é outra das nosas institucións no club, como tamén o foi no seu día o seu pai.
O seu coñecemento, pedagoxía e metodoloxía á hora de ensinar son fundamentais na nosa escola e achégalles aos nosos xogadores unha base técnica moi sólida sobre a cal desenvolver o seu tenis.
Responsable de tecnificación
Miguel é un exemplo de competidor tranquilo cun tenis fácil e elegante que o levaron a gañar 14 veces o campionato galego absoluto.
A escola de tenis que representa Miguel é o perfecto contrapunto ao estilo de xogo de Iago, o que achega á nosa escola de competición un perfecto equilibrio do que claramente se beneficiarán os nosos alumnos.
Director de competición
Iago é todo un referente no tenis galego e no noso club, onde traballa desde os 20 anos, sempre estivo moi vinculado á competición e aos equipos.
O seu revés a 2 mans (“de nivel ATP”) é o seu sinal de identidade así como a súa garra e competitividade, calidades que lles transmite aos seus alumnos e equipos. Non é casualidade que o noso club sexa o máis galardoado de Galicia e un habitual dos campionatos de España.
Como xogador xuvenil foi dos mellores de España, gañouno absolutamente todo en Galicia e chegou a participar nunha Orange Bowl con 15 anos. Na categoría absoluta foi subcampión galego en varias ocasións e campión +35 e +40.