Un ano máis, a sección de pádel do RCTC organiza a terceira edición do seu torneo aberto de Nadal que comezará o xoves 13 de decembro e finalizará o domingo 17. A proba, que contará coa colaboración de Gadis, repartirá diverso material deportivo e produtos do Nadal entre os gañadores/as. Os interesados/as en inscribirse no…
Informamos a todos os socios/as que xa está á venda a Lotaría de Nadal do Club que este ano xoga co número 06.246. Os décimos e as participacións poden adquirirse na oficina do Club até o 20 de decembro. Moita sorte a todos/as!
O Real Club de Tenis Coruña continúa co proceso de remodelación e mellora das súas instalacións que iniciou o ano pasado co fin de ofrecer un mellor servizo a todos os seus socios. Nesa liña, este mes ten previsto acometer os traballos de renovación de todo o sistema de iluminación das pistas de tenis quick, pádel e…
Un grupo de 21 xogadores do Real Club de Tenis Coruña desprazouse a semana do 21 ao 30 de xullo ás pistas do CC Mercantil e Industrial de Vigo para disputar os Campionatos Galegos Absoluto e Benxamín, así como a cuarta proba do circuíto Galicia Head Tour. Unha semana dura de adestramentos, partidos, convivencia, emocións…
As pistas de pádel do Real Club de Tenis Coruña acollerán desde o 27 de xuño o XVIII Open de Pádel Estrela Galicia. Doce días de competición nos que o deporte da pa, a degustación de bebidas de Estrela Galicia e o bo ambiente, coincidirán no decano dos torneos do pádel coruñés. A XVIII edición…
A semana pasada concluía o Torneo de Primavera de Pádel que se disputou nas pistas de muro do Real Club de Tenis Coruña. Os case 100 xogadores participantes demostraron en cada unha das 4 categorías un alto nivel e competitividade para goce de todos os asistentes. Durante os 5 días de competición reinou o bo…
Kiko González comunicou este luns á Dirección do RCTC a súa decisión de abandonar a entidade como responsable da área de pádel para iniciar un novo proxecto profesional, despois de tres anos de traballo nos que conseguiu consolidarse como un dos adestradores e xogadores de referencia en Galicia. Kiko xa compartiu a través das súas…
O torneo contou coa colaboración de British International School e o Concello de Oleiros. O RCTC organizou nas súas instalacións durante os primeiros días de abril o Open Xuvenil de Semana Santa. O evento, que se disputou en 7 categorías, reuniu a xogadores/as procedentes de toda Galicia e da Federación Asturiana de Tenis (FAT). O…
Os nosos xogadores/as participaron nunha das probas que organiza o Circuíto Warriors Tour. Coincidindo coas vacacións de Semana Santa, varios alumnos/as da nosa Escola de Tenis desprazáronse até as instalacións da Academia de Juan Carlos Ferrero (Villena-Alacante) para participar nunha das probas do Warriors Tour, un dos circuítos xuvenís máis importantes a nivel nacional. Máis…
O RCTC organiza o Torneo de Pádel de Primavera que dará comezo nas súas instalacións o luns 24 de abril e que finalizará o sábado 29 coa disputa das finais. Os interesados/as en inscribirse nesta proba, que repartirá diversos premios entre os participantes, poden facelo até o 21 de abril. DATOS DO TORNEO: Datas de…
Xogador-Sparring
Jesús é exalumno da escola e o noso capitán do equipo absoluto (no que tamén xoga) que o ano pasado subiu a segunda división nacional.
Colabora nos adestramentos dos grupos de tecnificación e competición.
Adestrador e preparador físico
Miguel traballa como monitor na escola base e apoia os adestramentos físicos para as etapas de tecnificación e competición.
Traballou na Academia Equelite de Carlos Ferrero e o seu obxectivo é poder colaborar con xogadores de competición e alto rendemento. Está a apoiar o seu irmán Rafa a dar os seus primeiros pasos no circuíto profesional.
Adestrador
Carlos compatibiliza a súa profesión como arquitecto coa súa faceta de adestrador na nosa escola. O apelido Domínguez é sinónimo de deporte e, en particular, de tenis en Pontevedra, coa súa curmá Lourdes como máxima referencia do tenis profesional en Galicia.
Como adestrador Carlos destaca pola súa meticulosidade e a súa atención ao detalle. Imparte clases nas etapas de tecnificación, competición e adultos.
Cordinador de base
Jaime é adestrador nacional e ten máis de 20 anos de experiencia profesional ligada ao tenis e á docencia.
Incorpórase ao club na tempada 22-23 para facerse cargo das etapas de iniciación e desenvolvemento e adultos dentro da escola basee.
Director de escola base
Licenciado en Filosofía, Carlos “Chas” é outra das nosas institucións no club, como tamén o foi no seu día o seu pai.
O seu coñecemento, pedagoxía e metodoloxía á hora de ensinar son fundamentais na nosa escola e achégalles aos nosos xogadores unha base técnica moi sólida sobre a cal desenvolver o seu tenis.
Responsable de tecnificación
Miguel é un exemplo de competidor tranquilo cun tenis fácil e elegante que o levaron a gañar 14 veces o campionato galego absoluto.
A escola de tenis que representa Miguel é o perfecto contrapunto ao estilo de xogo de Iago, o que achega á nosa escola de competición un perfecto equilibrio do que claramente se beneficiarán os nosos alumnos.
Director de competición
Iago é todo un referente no tenis galego e no noso club, onde traballa desde os 20 anos, sempre estivo moi vinculado á competición e aos equipos.
O seu revés a 2 mans (“de nivel ATP”) é o seu sinal de identidade así como a súa garra e competitividade, calidades que lles transmite aos seus alumnos e equipos. Non é casualidade que o noso club sexa o máis galardoado de Galicia e un habitual dos campionatos de España.
Como xogador xuvenil foi dos mellores de España, gañouno absolutamente todo en Galicia e chegou a participar nunha Orange Bowl con 15 anos. Na categoría absoluta foi subcampión galego en varias ocasións e campión +35 e +40.