As pistas de pádel do Real Club de Tenis Coruña acollerán desde o 27 de xuño o XVIII Open de Pádel Estrela Galicia. Doce días de competición nos que o deporte da pa, a degustación de bebidas de Estrela Galicia e o bo ambiente, coincidirán no decano dos torneos do pádel coruñés.
A XVIII edición trae como novidade a ampliación dos cadros de cuarta categoría a 128 parellas, e o obxectivo da organización por alcanzar cífraa marca de 500. Desde a proba Estrela, masculina e feminina, pasando polos Veteranos +45, e as categorías mixtas, os participantes loitarán por gañar a pa customizada coa imaxe do patrocinador do torneo. Os sorteos e os premios de material deportivo amenizarán as xornadas nas instalacións do RCTC.
Outra das novidades deste ano será a zona “chill out” e a música en directo, con concerto sorpresa durante o primeiro fin de semana. A xornada final, sábado 8 de xullo, acollerá como cada ano as roldas decisivas, a entrega de premios, e o concerto do grupo ferrolán Novo Plan.
O bo tempo e os postos de degustación de comida instalados para a ocasión, esperan ser o aliciente final para repetir o éxito do pasado ano. O prazo de inscrición finaliza o 21 de xuño a través da plataforma mistorneosonline.é onde se poden consultar as bases.
GAÑADORES DO XVII OPEN PÁDEL ESTRELA GALICIA (2022)
