O tenis de veteranos terá unha cita ineludible no Real Club Tenis Coruña a semana do 5 ao 10 de setembro, coa organización da súa II Torneo Internacional Seniors. A proba, puntuable para o circuíto da ITF, significa a terceira do calendario anual senior en Galicia.
As pistas de terra batida do RCTC albergarán categorías desde +30 até +70 en todas as súas modalidades, masculino e feminino, individual e dobres.
O importe da inscrición será de 35€ (+ 6,5 para o IPIN) para os xogadores nacionais e internacionais e de 30€ (+6,5€ para o IPIN) para os xogadores con licenza pola FGT. Os socios do Club terán unha bonificación adicional de 10 euros que se aplicará no seu bono-moedeiro.
O torneo, patrocinado polo Grupo Breogán (Lexus Galicia), terá como Director ao vogal de tenis do noso Club Carlos Casares. Tamén conta coa colaboración de Adegas Valmiñor, Balneario de Mondariz, Ibis Style Hotels e Bon Xamón, ademais do apoio institucional da Federación Galega de Tenis e a Real Federación Española de Tenis.
As inscricións poderán realizarse até o 29 de agosto na páxina da ITF ou até o día 31 enviando un correo á oficina deportiva do Club.
Os campións e campioas de cada categoría terán como premio un bono de fin de semana no Balneario de Mondariz con estancia e Spa incluído. Ademais, o torneo sorteará dúas “Experiencias Lexus” entre todos os xogadores que disputen algunha final tanto en categoría individual como dobres.
Animamos a todos os socios/as a participar neste bonito evento xa que é unha magnífica oportunidade de iniciarse nos torneos de carácter internacional que cada vez teñen máis éxito entre os veteranos.
Para máis información podedes dirixirvos á nosa oficina deportiva:
oficina.deportiva@teniscoruna.com
Tfno: +34 657789188
Patrocina:
Colaboran:
