Nicolás Bellas Panadero proclamouse Campión Galego Cadete e Maire Grace, Campioa Galega Alevín.
Gran actuación dos alumnos e alumnas da nosa Escola de Tenis na segunda proba do Circuíto Xuvenil Galicia Head Tour 2023 que se celebrou do 3 ao 26 de marzo no Centro Deportivo D10 e Club de Tenis As Termas.
Nesta segunda proba disputáronse os campionatos galegos alevín e cadete, ademais das demais probas xuvenís.
CAMPIONATOS GALEGOS ALEVÍN E CADETE
Na categoría Cadete, Nicolás Bellas Panadeio proclamouse Campión Galego derrotando na final ao ferrolán Enzo Cota por un dobre 6-3. O xogador coruñés, aínda de primeiro ano, tivo partidos realmente duros en cuartos e semis pero conseguiu chegar á final e facer un partido brillante.
Na categoría de dobres, destacar a vitoria de Miguel del Castillo, que xunto ao seu compañeiro Pablo López, derrotaron na final aos seus compañeiros de adestramento Lucas Maceiras e Alejandro Reboredo.
Por outra banda, Clara Arambillet caeu na final contra a ourensá Emma Baliña, despois de vencer nun gran partido de semifinais a Aranai Martínez, xogadora viguesa que actualmente adestra nun centro de alto rendemento de Barcelona.
En dobres mixtos, Blanca Trillo, xunto ao seu compañeiro Álvaro Miranda proclamáronse campións, derrotando na final a Ramon Talín e Noa Pena.
Na categoría de dobres feminino, Clara Arambillet e Blanca Trillo alzábanse tamén co título, facendo gala da gran compenetración que teñen en cada torneo que xogan xuntas.
Con respecto á categoría alevín feminina, Maire Grace proclamouse campioa despois de vencer na final a Lenda Vázquez por un dobre 6-0, demostrando unha contuntente superioridade durante todo o torneo, o que a converte nunha das grandes promesas do tenis galego feminino. Maire tamén conseguía o título na categoría de dobres feminino xunto á súa amiga e compañeira Yaiza Quián.
Na categoría alevín, a parella Thiago Salgado e Jaime Álvarez deron a sorpresa facendo un auténtico partidazo e proclamándose campións galegos en dobres.
Pola súa banda, nos dobres mixtos a parella Thiago Salgado e Laura González caeron na final, despois de realizar un gran torneo.
PROBAS XUVENÍS HEAD TOUR
Por último, destacar tamén os excelentes resultados dos nosos xogadores nas probas Head Tour:
Alejandro Vizoso: Campión Junior- Head Tour.
Jacobo Gómez: Campión Infantil-Head Tour.
Rolando Figueroa: Subcampión Infantil 2ª División-Head Tour.
Adrián Esteban: Campión Infantil 3ª División-Head Tour.
Parabéns a todos/as!
Crónica de Iago Reija, Director de Competición do RCTC.
A Escola de Tenis do RCTC conta coa colaboración de British International School
