O Concello de Oleiros concedeu ao Real Club de Tenis Coruña unha subvención de 5.089,69 euros para a promoción e o impulso de actividades deportivas para o ano 2024. O obxectivo desta axuda é fomentar o deporte xuvenil e fortalecer as categorías de base, facilitando a participación de equipos e deportistas en competicións federadas oficiais.…
O Concello de Oleiros, por acordo da Xunta de Goberno Local, concedeu ao Real Club de Tenis Coruña unha subvención por valor de 4.743,15 euros (1497.58 euros máis que na convocatoria anterior) no marco das axudas para a promoción e a difusión da cultura e o deporte (ano 2023). O obxecto da mesma é impulsar…
O Real Club de Tenis Coruña recibiu unha subvención do Concello de Oleiros de 3.245,57 euros no marco das axudas que anualmente outorga ás entidades sen ánimo de lucro para a promoción e a difusión da cultura e o deporte. O obxecto da mesma é impulsar as actividades deportivas xuvenís e potenciar as categorías inferiores…
Xogador-Sparring
Jesús é exalumno da escola e o noso capitán do equipo absoluto (no que tamén xoga) que o ano pasado subiu a segunda división nacional.
Colabora nos adestramentos dos grupos de tecnificación e competición.
Adestrador e preparador físico
Miguel traballa como monitor na escola base e apoia os adestramentos físicos para as etapas de tecnificación e competición.
Traballou na Academia Equelite de Carlos Ferrero e o seu obxectivo é poder colaborar con xogadores de competición e alto rendemento. Está a apoiar o seu irmán Rafa a dar os seus primeiros pasos no circuíto profesional.
Adestrador
Carlos compatibiliza a súa profesión como arquitecto coa súa faceta de adestrador na nosa escola. O apelido Domínguez é sinónimo de deporte e, en particular, de tenis en Pontevedra, coa súa curmá Lourdes como máxima referencia do tenis profesional en Galicia.
Como adestrador Carlos destaca pola súa meticulosidade e a súa atención ao detalle. Imparte clases nas etapas de tecnificación, competición e adultos.
Cordinador de base
Jaime é adestrador nacional e ten máis de 20 anos de experiencia profesional ligada ao tenis e á docencia.
Incorpórase ao club na tempada 22-23 para facerse cargo das etapas de iniciación e desenvolvemento e adultos dentro da escola basee.
Director de escola base
Licenciado en Filosofía, Carlos “Chas” é outra das nosas institucións no club, como tamén o foi no seu día o seu pai.
O seu coñecemento, pedagoxía e metodoloxía á hora de ensinar son fundamentais na nosa escola e achégalles aos nosos xogadores unha base técnica moi sólida sobre a cal desenvolver o seu tenis.
Responsable de tecnificación
Miguel é un exemplo de competidor tranquilo cun tenis fácil e elegante que o levaron a gañar 14 veces o campionato galego absoluto.
A escola de tenis que representa Miguel é o perfecto contrapunto ao estilo de xogo de Iago, o que achega á nosa escola de competición un perfecto equilibrio do que claramente se beneficiarán os nosos alumnos.
Director de competición
Iago é todo un referente no tenis galego e no noso club, onde traballa desde os 20 anos, sempre estivo moi vinculado á competición e aos equipos.
O seu revés a 2 mans (“de nivel ATP”) é o seu sinal de identidade así como a súa garra e competitividade, calidades que lles transmite aos seus alumnos e equipos. Non é casualidade que o noso club sexa o máis galardoado de Galicia e un habitual dos campionatos de España.
Como xogador xuvenil foi dos mellores de España, gañouno absolutamente todo en Galicia e chegou a participar nunha Orange Bowl con 15 anos. Na categoría absoluta foi subcampión galego en varias ocasións e campión +35 e +40.