O RCTC, en colaboración coa Asociación de Axuda a Nenos Oncolóxicos de Galicia (Asanog) organizou este sábado un mercadillo solidario de loita contra o cancro infantil. O evento, promovido por Paula Souto (socia do Club e nai dun neno que superou recentemente unha leucemia), tiña como obxectivo recadar fondos co fin de axudar a todas…
Varios alumnos e alumnas de 3º curso da ESO e de 1º de TEAS (Técnico Superior en Ensino e Animación Sociodeportiva) do colexio Liceo A Paz visitan estes días o noso Club como actividade complementaria á materia de Educación Física. Este programa de visitas escolares, que se organiza grazas á colaboración de Ángela Rodríguez Piñón,…
Con este xesto queren agradecer a axuda que recibiron da entidade durante o proceso de recuperación do seu fillo, afectado por unha leucemia. Chámase André, ten 3 anos e gústalle vir ao Club coa súa familia. André é un neno moi especial, ”unoentrecienmil” ao que o verán pasado detectáronlle unha leucemia que aínda hoxe está…
O RCTC pon hoxe en marcha a súa nova Ludoteca infantil, unha iniciativa dirixida a nenos e nenas de 3 a 13 anos que nace co obxectivo de ofrecerlles un espazo propio para relacionarse, xogar, ler e divertirse. A Ludoteca, situada xunto ao salón social, conta con dous ambientes diferenciados: un recuncho destinado a xogos…
Uxía Martínez (Universidade de Oregón) e Eva Álvarez (Washington State University) participaron nos “Ita North-West Rexional Championships” As nosas xogadoras, que actualmente compiten en División I e nunha das conferencias máis potentes (PAC-12) de USA, coincidiron hai uns días na Universidade de Stanford onde tivo lugar a competición que agrupa a todas as universidades da…
Xogador-Sparring
Jesús é exalumno da escola e o noso capitán do equipo absoluto (no que tamén xoga) que o ano pasado subiu a segunda división nacional.
Colabora nos adestramentos dos grupos de tecnificación e competición.
Adestrador e preparador físico
Miguel traballa como monitor na escola base e apoia os adestramentos físicos para as etapas de tecnificación e competición.
Traballou na Academia Equelite de Carlos Ferrero e o seu obxectivo é poder colaborar con xogadores de competición e alto rendemento. Está a apoiar o seu irmán Rafa a dar os seus primeiros pasos no circuíto profesional.
Adestrador
Carlos compatibiliza a súa profesión como arquitecto coa súa faceta de adestrador na nosa escola. O apelido Domínguez é sinónimo de deporte e, en particular, de tenis en Pontevedra, coa súa curmá Lourdes como máxima referencia do tenis profesional en Galicia.
Como adestrador Carlos destaca pola súa meticulosidade e a súa atención ao detalle. Imparte clases nas etapas de tecnificación, competición e adultos.
Cordinador de base
Jaime é adestrador nacional e ten máis de 20 anos de experiencia profesional ligada ao tenis e á docencia.
Incorpórase ao club na tempada 22-23 para facerse cargo das etapas de iniciación e desenvolvemento e adultos dentro da escola basee.
Director de escola base
Licenciado en Filosofía, Carlos “Chas” é outra das nosas institucións no club, como tamén o foi no seu día o seu pai.
O seu coñecemento, pedagoxía e metodoloxía á hora de ensinar son fundamentais na nosa escola e achégalles aos nosos xogadores unha base técnica moi sólida sobre a cal desenvolver o seu tenis.
Responsable de tecnificación
Miguel é un exemplo de competidor tranquilo cun tenis fácil e elegante que o levaron a gañar 14 veces o campionato galego absoluto.
A escola de tenis que representa Miguel é o perfecto contrapunto ao estilo de xogo de Iago, o que achega á nosa escola de competición un perfecto equilibrio do que claramente se beneficiarán os nosos alumnos.
Director de competición
Iago é todo un referente no tenis galego e no noso club, onde traballa desde os 20 anos, sempre estivo moi vinculado á competición e aos equipos.
O seu revés a 2 mans (“de nivel ATP”) é o seu sinal de identidade así como a súa garra e competitividade, calidades que lles transmite aos seus alumnos e equipos. Non é casualidade que o noso club sexa o máis galardoado de Galicia e un habitual dos campionatos de España.
Como xogador xuvenil foi dos mellores de España, gañouno absolutamente todo en Galicia e chegou a participar nunha Orange Bowl con 15 anos. Na categoría absoluta foi subcampión galego en varias ocasións e campión +35 e +40.