Cinco xogadores do Real Club de Tenis Coruña desprazáronse do 27 ao 30 de setembro á Escola de Juan Carlos Ferrero (Villena-Alacante) para disputar o Master Warriors 2023, un privilexio ao alcance de moi poucos onde só o oito mellores do circuíto de cada categoría poden participar nesta proba. Atrás quedaron Madrid, Alacante, Sevilla, Zaragoza,…
O torneo, que se celebrará do 9 ao 16 de xullo, xa ten abertas as inscricións. Tras o éxito de participación do ano pasado, o Warriors Tour volve de novo ás pistas do RCTC con máis forza que nunca. O torneo, que se puxo en marcha no 2006, converteuse nun dos circuítos de referencia do…
Xogador-Sparring
Jesús é exalumno da escola e o noso capitán do equipo absoluto (no que tamén xoga) que o ano pasado subiu a segunda división nacional.
Colabora nos adestramentos dos grupos de tecnificación e competición.
Adestrador e preparador físico
Miguel traballa como monitor na escola base e apoia os adestramentos físicos para as etapas de tecnificación e competición.
Traballou na Academia Equelite de Carlos Ferrero e o seu obxectivo é poder colaborar con xogadores de competición e alto rendemento. Está a apoiar o seu irmán Rafa a dar os seus primeiros pasos no circuíto profesional.
Adestrador
Carlos compatibiliza a súa profesión como arquitecto coa súa faceta de adestrador na nosa escola. O apelido Domínguez é sinónimo de deporte e, en particular, de tenis en Pontevedra, coa súa curmá Lourdes como máxima referencia do tenis profesional en Galicia.
Como adestrador Carlos destaca pola súa meticulosidade e a súa atención ao detalle. Imparte clases nas etapas de tecnificación, competición e adultos.
Cordinador de base
Jaime é adestrador nacional e ten máis de 20 anos de experiencia profesional ligada ao tenis e á docencia.
Incorpórase ao club na tempada 22-23 para facerse cargo das etapas de iniciación e desenvolvemento e adultos dentro da escola basee.
Director de escola base
Licenciado en Filosofía, Carlos “Chas” é outra das nosas institucións no club, como tamén o foi no seu día o seu pai.
O seu coñecemento, pedagoxía e metodoloxía á hora de ensinar son fundamentais na nosa escola e achégalles aos nosos xogadores unha base técnica moi sólida sobre a cal desenvolver o seu tenis.
Responsable de tecnificación
Miguel é un exemplo de competidor tranquilo cun tenis fácil e elegante que o levaron a gañar 14 veces o campionato galego absoluto.
A escola de tenis que representa Miguel é o perfecto contrapunto ao estilo de xogo de Iago, o que achega á nosa escola de competición un perfecto equilibrio do que claramente se beneficiarán os nosos alumnos.
Director de competición
Iago é todo un referente no tenis galego e no noso club, onde traballa desde os 20 anos, sempre estivo moi vinculado á competición e aos equipos.
O seu revés a 2 mans (“de nivel ATP”) é o seu sinal de identidade así como a súa garra e competitividade, calidades que lles transmite aos seus alumnos e equipos. Non é casualidade que o noso club sexa o máis galardoado de Galicia e un habitual dos campionatos de España.
Como xogador xuvenil foi dos mellores de España, gañouno absolutamente todo en Galicia e chegou a participar nunha Orange Bowl con 15 anos. Na categoría absoluta foi subcampión galego en varias ocasións e campión +35 e +40.